Një delegacion i kuvendit në Konferencë kushtuar inkuadrimit të vendeve nga Ballkani Perëndimor

Në Konferencën kushtuar inkuadrimit të vendeve nga Ballkani
Perëndimor në Bashkimin Evropian në Parlamentin Evropian në Bruksel sot dhe nesër marrin pjesë deputetët e Kuvendit të Republikës së Maqedonisë në përbërje të Artan Grubit, Nikolla Poposkit dhe Fadil Zendelit.
Në Konferencë, siç theksohet në kumtesën e Komisionit për Çështje Evropiane, theks i posaçëm u vendos në interesimin e fortë të Bashkimit Evropian ndaj stabilizimit të rasteve të kontinentit evropian, me çka ishte potencuar se stabilizimi i tillë nuk do të arrihet derisa vendet nga Ballkani Perëndimor nuk bëhen pjesë e Unionit.
Nga ana e deputetëve në Parlamentin Evropian ishte dërguar porosi se zgjerimi i Unionit do të vazhdojë dhe vendet e Ballkanit Perëndimor në pajtim me nivelin e realizimit dhe plotësimit të kritereve të domosdoshme kanë perspektivë të qartë në periudhën e ardhshme të përfshihen në këtë
familje.
Deputetët kishin pjesëmarrje aktive gjatë të gjitha sesioneve në Konferencë.
Në konferencë Grubi informoi për rrjedhën e procesit reformues në Maqedoni, për përkushtimin e shumicës së re për t’i përforcuar detyrat e dhëna nga Brukseli gjithnjë me qëllim që deri në fund të vitit të marrin rekomandimin e pa kusht për fillimin e bisedimeve , e madje edhe datë konkrete për fillimin e tyre.
Deputeti Poposki dërgoi apel tek përfaqësuesit e Unionit për prani më të madhe të tyre dhe vizibilitet në Republikën e Maqedonisë, si dhe për bashkëpunim më të madh të të gjitha vendeve të rajonit në pikëpamje të agjendës evropiane.
“Suksesi i integrimit varet nga mundësia për kontroll më të madh të Qeverisë nga Kuvendi”, tha Poposki.
Fjalim në sesionin mbajti edhe deputeti Zendeli kushtuar shfrytëzimit të instrumentit IPA -2.
“Fondet IPA janë pjesë dhe tendencë e Unionit për arritje të standardeve evropiane në interes të qytetarëve të vendit tonë dhe se me ndihmën e tillë financiare Republika e Maqedonisë ka gjasa ta modernizojë dhe përparojë shoqërinë”, theksoi Zendeli.
Konferenca paraqet mundësi të jashtëzakonshme për takime dhe mbledhje të deputetëve me kolegët e parlamenteve kombëtare, me kolegët e Parlamentit Evropian si dhe me përfaqësuesit e lartë të Komisionit Evropian dhe agjencitë e ndryshme të pranishme në Konferencë.