Deputeti i Partisë Socialiste, Alfred Peza ka reaguar menjëherë pas nisjes së hetimeve nga ana e ILDKPKI mbi blerjen e disa aksioneve në një bankë të nivelit të dytë nga ai. Përmes një postimi në faqen e vet zyrtare në Facebook, Peza shprehet i hapur për çdo kontroll të pasurisë së familjes së tij, ndërsa nxit ILDKPKI për një hetim të paanshëm dhe profesional.
“Sapo jam informuar ne lidhje me njoftimin me te fundit per shtyp te ILDKPI, qe i adresohet personit tim, me cilesine e deputetit te Kuvendit te Shqiperise.
Mirëpres kontrollin e plote dhe hetimin administrativ qe ILDKP ka nisur sot ne lidhje me pasurine e familjes time.
Inkurajoj IDKPI t’i shkoje deri në fund, me shpejtësi, paanësi dhe profesionalizëm këtij hetimi te thelle e shterues.
Nxis institucionin qe me te njëjtën ndjeshmëri dhe seriozitet te hetoje kedo nga te zgjedhurit e Kuvendit te Shqiperise, te zgjedhurit lokale dhe persona te tjetere subjekt i hetimit nga ana e ketij institucioni, sot e ne vazhdimesi, per te cilet ka pasur, ka apo do te kete indicie te njejte apo te ngjashme.
Une dhe bashkeshortja ime, jemi te hapur dhe do te qendrojme 24 ore/ 24 ne dispozicion te ILDKPI per te bashkepunuar ne sqarimin dhe perfundimin e plote te kontrollit dhe hetimit te sapo nisur”, shprehet Peza.
16 janar 2017 (gazeta-Shqip.com)
