Një këmbësor është lënduar më rëndë në njërin nga gjithsej 13
aksidentet e regjistruara gjatë ditës së djeshme në rajonin e SPB Shkup. Në pesë aksidente më lehtë janë lënduar 10 persona, ndërsa në shtatë janë shkaktuar dëme materiale.
Nga MPB informojnë se gjatë ditës së djeshme policia rrugore ka zbuluar dhe sanksionuar numër më të madh të kundërvajtjeve. Dymbëdhjetë shoferë kanë lëvizur me shpejtësi më të madhe se sa e lejuara dhe dy shoferë të cilët kanë kaluar në udhëkryq në dritë të kuqe.
Shtatë persona janë shkyçur nga komunikacioni, katër shoferë të cilët e kanë drejtuar automjetin para se të përfitojnë të drejtën e drejtimit të automjetit dhe tre shoferë fillestarë. Janë sanksionuar edhe 25 këmbësorë të cilët kanë kaluar rrugë jashtë kalimit për këmbësorë dhe 10 këmbësorë të cilët kanë kaluar rrugë në dritë të kuqe të semaforit. Janë sanksionuar 64 automjete të parkuara në mënyrë jo të rregullt.
Me ndihmën e automjetit special të karrotrecit, janë larguar 77 automjete.
