Në Gjykatën Penale sot duhet të mbahen seanca për lëndët “Trust”
dhe “Sopoti”.
Në lëndën “Trust” i dyshuar i parë është biznesmeni Sead Koçan, ndërsa të akuzuar janë edhe dy persona fizik dhe tre persona juridik, në mesin e të cilëve edhe drejtuesit e firmave “Transmet”, “Sileks” dhe “Vato” SHPKNJP nga Studeniçani për pjesëmarrje në tenderin e ELEM-it u morën në
pyetje dëshmitarët.
Në seancën e kaluar i pari që u mor në pyetje ishte dëshmitari i prokurorisë Feim Imeri nga Saraji, i cili për 26 vjet ka kompaninë e tij e cila quhet “Feim servos”. Kompania shet makina ndërtimore dhe ka servis.
Prokurorët e Prokurorisë Publike Speciale e morën në pyetje dëshmitarin nëse me të vërtetë ka shitur mekanizim të kompanisë “Transmet”, sa makina dhe kur, duke i treguar atij fatura dhe kontrata. Imeri, edhe pse e pranoi se ato janë fatura të kompanisë së tij, nuk ishte i sigurt për nënshkrimet, pasi që siç tha, me vite nënshkrimin personal e ka ndërruar.
Sipas PPS duke dorëzuar dokumente të falsifikuara për pronësinë e mekanizimit dhe për ekipimin e kuadrit, tri kompani, të bashkuara në një konsorcium, e kanë fituar tenderin e ELEM-it, përafërsisht me 1.060.000.000 denarë, gjegjësisht 17 milionë euro.
Lënda “Sopoti”, është nga viti 2003 kur dy ushtarë polak dhe një shtetas i Maqedonisë e humbën jetën kur automjeti terrenor i NATO-s shkeli në minë. Në këtë rast dhjetë persona janë dënuar me terrorizëm. Ata akuzohen se në vitin 2003 kanë vendosur mjet shpërthyes në rrugën lokale Sushevë-
Sopot.
“Sopoti” është rihapur sërish këtë vit pasi Prokuroria Publike Themelore për përndjekjen e krimit të organizuar dhe korrupsionit në korrik të këtij viti ia dorëzoi lëndën “Sopoti” PPS, pasi që në opinion janë publikuar bisedime të funksionarëve qeveritar lidhur me këtë rast.
