Kreu i Aleancës për Shqiptarët, Ziadin Sela pohoi se partia e tij do të dorëzojë amendamente për avancimin e komunitetit shqiptar në vend, në prag të ndryshimeve kushtetuese për çështjen e emrit. Aleanca për Shqiptarët nuk do të pengojë integrimin e vendit në NATO dhe BE, pavarësisht nëse pranohen apo jo amendamentet për ndryshimet Kushtetuese. Sela thotë se nuk e befason qëndrimi i BDI-së se nuk do të mbështesë ndryshime tjera kushtetuese pos atyre për çështjen e ndryshimeve të emrit.
