Një ndjekje e çmendur ka ndodhur në rrugët e Peruxhias në Itali dy ditë më parë, ku policisë i është dashur të rrezikojë jo pak për të kapur një shqiptar të dyshuar, kontingjent krimi, që refuzoi kontrollin në postbllok.
Ngjarja ka ndodhur në Corciano, ku policia lokale arrestoi pas minutash ndjekjeje 30-vjeçarin me origjinë shqiptare, me precedentë të shumtë kriminalë, për krimet e arratisjes së rrezikshme dhe rihyrjes së paligjshme në territorin kombëtar.
E gjitha filloi kur 30-vjeçari kaloi me forcë një pikë kontrolli të policisë lokale. Pasi pa oficerët që e urdhëronin të ndalonte, ai shtypi pedalin e gazit dhe iku.
Një ndjekje me shpejtësi të plotë pasoi nëpër rrugët e qytetit. Shqiptari madje u përpoq të ikte në këmbë, por përfundimisht u kap dhe u arrestua.
Gjykatësi urdhëroi që ai të qëndronte në komunë deri në realizimin e procedurave të dëbimit nga Italia.
