Ish-prokurori Eugen Beci, ka komentuar mbi incidentin e hakerimit të e-mail-eve të prokurorëve të posaçëm dhe rrezikun që mund të sjellë ky veprim për vjedhjen e të dhënave apo provave.
Sipas Beci, ky hakerim nuk ka shkaktuar dëme në provat e hetimeve, pasi në Shqipëri kodi i procedurës penale njeh prova ato që janë të printuara, të cilat ruhen fizikisht në dosje të sekretuara e që ndodhen fizikisht ne sekretari,
“Provat Prokuroria ia transmeton Gjykatës në mënyrë fizike”, tha ai, ndërsa shtoi “nga kjo anë, kanë bërë një vrimë në ujë hakeruesit, rreziku i marrjes së provave dhe prishjes së provave konkrete, është zero.
Eugen Beci: E-mailet janë dera e pare që çdo person kërkon të kthyer sistemin të hyr. Kemi një favor të madh që në Shqipëri kodi i procedurës penale njeh provat ato që janë të printuara, ato të cilat ruhen fizikisht në dosje te sekretuara që ndodhen fizikisht ne sekretari, prova që Prokuroria ia transmeton Gjykatës në mënyrë fizikë. Nga kjo anë, kanë bërë një vrimë në ujë hakeruesit, rreziku i marrjes së provave dhe prishjes së provave konkrete, është zero.
Kam dëgjuar këto orët e fundit, që meqë janë hakeruar të tjetërsohen provat, nuk ndodh kjo. Se këtë e bëjnë dhe pa hakeruar.
Parandalimi i futjes në sistemi IT , që Prokuroria e posaçme merr përgjegjësinë dhe e thotë në një komunikatë zyrtare është e rëndësishme. Nëse ata persona do kishin hyrë në sistemin, atëherë do kishim një rrezik shumë të madh, se me çfarë di unë, ne e-maili ka vetëm komunikimi sporadike, jo prova, kurse sistemi i brendshëm ka dosje të regjistruara, persona që hetohen, përgjime të komunikimeve telefonike, personat në kërkim, atëherë do ishim në alarm. Fakti që IT e SPAK Ka funksionuar, duhet përshëndetur. Përderisa ka të arrestuar, pajisje konkrete, tregon që dhe sistemi i hetimit të SPAK, ka funksionuar shumë mirë.
Fakti që është hakeruar e-maili, ai është dhe publik. Prokurori komunikon dhe me institucione të tjera, si ato të paraburgimit, ai që e merr mund edhe të nis hakerime. Që prokurorët nuk janë IT, duhet te jemi dhe realiste, passëord-in mund ta vene edhe 1234, ditëlindjen e vetë, SPAK2019, apo të tjera. Në emaili nuk janë vetëm ato dosje, këtu kemi tre te dyshuar që janë hakeruar. Një motiv e kanë pasur, shantazhimin.
