Ambasadori i Australisë në Maqedoninë e Veriut, Peter Traswell, së bashku me kryetarin e Manastirit, Toni Konjanovski, promovuan sot një mural të ri të realizuar nga artisti australian Fintan Magee. Murali simbolizon miqësinë dhe bashkëpunimin mes dy vendeve dhe u krijua në kuadër të përvjetorit të 30 vjetëve marrëdhënie diplomatike.
Artist i famshëm ndërkombëtarisht, Fintan Magee, ka realizuar murale në Indi, Gjermani, Islandë, Austri, SHBA dhe Romani, dhe këtë vit punoi në Manastir, duke përfshirë simbole të rëndësishme si lulet kombëtare dhe Opera House e Sidneit.
Murali ndodhet në qendrën e Manastirit, pranë Shtëpisë së Shëndetit dhe Çarshisë së Vjetër, duke u bërë një atraksion i ri për qytetarët dhe vizitorët./TV21
