Ministri i Punëve të Brendshme, Oliver Spasovski zgjat dorën e bashkëpunimit me Ambasadën Kroate në R.M

Ministri i Punëve të Brendshme, Oliver Spasovski në takimin me ambasadoren kroate në Maqedoni Daniela Barishiq, kanë diskutuar pë takimet e deritanishme dhe pë bashkëpunime të tjera në të ardhme. Ambasadorja Barishiq, siç informojnë nga MPB-ja, ia uroi zgjedhjen ministrit Spasovski dhe i dëshiroi punë të suksesshme, ndërsa ka ofruar edhe ndihmë për reformat e paralajmëruara në Ministri. Ajo e ka theksuar rëndësinë nga bashkëpunimi i mirë i policive prej të dy vendeve, që shihet edhe përmes prezencës së policisë nga Republika e Kroacisë në kufirin jugor, të cilët i ndihmojnë policisë së Maqedonisë në ballafaqimin me problemin me emigrantët. Ministri Spasovski është falënderuar për urimet dhe bashkëpunimin e deritanishëm me Republikën e Kroacisë dhe ka shfaqur bindjen se ky bashkëpunim do të jetë edhe më përmbajtjesor, thuhet në kumtesën e MPB-së. Spasovski e ka theksuar entuziazmin me të cilin hyhet në procesin e reformave, me qëllim që të fitojë sistem funksional gjegjësisht polici e cila do të jetë servis i vërtet për qytetarët, gjegjësisht se duhet t’i jepet prioritet parimit të ndershmërisë, përgjegjësisë dhe punës ligjore.