Ministri Duraku në konferencë për eko-investime për cilësi të ajrit në Sofje

Ministri i Mjedisit Jetësor dhe Planifikimit Hapësinor, Sadulla Duraku, sot dhe nesër merr pjesë në konferencën për eko-investime për cilësinë e ajrit në Sofje, e cila ka për qëllim t’i analizojë zgjidhjet eko-inovative për përmirësimin e cilësisë së ajrit. Konferenca, siç informojnë nga Ministria, organizohet në kuadër të kryesimit bullgar me Këshillin e
Evropës dhe i mblodhi kompanitë dhe autoritetet publike të cilat tani më kanë arritur të zhvillojnë dhe të implementojnë teknologji të reja efikase ose modele inovative për biznes dhe menaxhim dhe ato të cilat kërkojnë zgjidhje dhe praktika të tilla. Ministri Duraku, siç informojnë nga kabineti i tij, në kuadër të vizitës ka realizuar takim pune me ministrin bullgar të Mjedisit Jetësor dhe Ujërave, Neno Dimov në të cilin diskutuan për mundësitë për avancimin e bashkëpunimit në fushën e mjedisit jetësor midis dy ministrive. Interes i veçantë iu kushtua përvojave pozitive të Sofjes e cila ka vendosur sistem modern dhe të integruar për menaxhim me mbeturina komunale i cili i kënaq interesat e legjislacionit evropian për mbeturina.
Pas takimit ministri Duraku e ka vizituar ndërmarrjen e qytetit për menaxhim me mbeturina ku ka pasur takim me drejtorin e ndërmarrjes dhe dhe ekipin e komunës. Ngjarja është organizuar së bashku nga Drejtoria e përgjithshme e Komisionit Evropian për mjedis jetësor dhe Ministria e Mjedisit Jetësor dhe Ujit të Republikës së Bullgarisë.