Florenc Çapja, një emër i njohur për përfshirjen në aktivitete kriminale, ka mbërritur sot në aeroportin e Rinasit pas ekstradimit nga Dubai. Ky moment është shoqëruar me masa të rrepta sigurie, ndërsa pamjet tregojnë Çapjan duke zbritur nga avioni me kokën ulur, i rrethuar nga forca të shumta policie. Pas mbërritjes, ai është futur në një furgon dhe është shoqëruar drejt ambienteve të burgut.
Një detaj që bie në sy është ndryshimi i dukshëm i pamjes së tij, krahasuar me imazhet e mëparshme.
Çapja, i cili është një kundërshtar i njohur i Suel Çelës, është dënuar me burgim të përjetshëm nga Gjykata e Apelit të GJKKO për vepra të rënda penale, përfshirë “vrasje në rrethana të tjera cilësuese”, “grup të strukturuar kriminal” dhe “prodhim dhe mbajtje pa leje të armëve luftarake”.
Ai është përgjegjës për vrasjen e Nezirit dhe Gentian Beqirit, ngjarje tragjike e ndodhur në vitin 2012 në Elbasan. Po ashtu, Çapja akuzohet për përfshirje në porositjen e vrasjes së Sokol Sanxhaktarit, dhëndrit të Qazim Sejdinit.
