Mbledhja e Qeverisë, në rend dite Këshillat drejtues

Ne mbledhjen e sotme të qeverisë duhet të plotësohen vendet e lira me anëtarë të rinj në Këshillat drejtues dhe mbikëqyrës. Zgjedhja e anëtarëve të rinj ndoshta do të jetë pikë në rendin e ditës edhe në disa seanca të ardhshme. Emërimi i tyre është baza për emërimin e drejtorëve në institucionet shtetërore. Më parë, qeveria shkarkoi rreth 1,500 anëtarë të këshillave drejtues dhe mbikqyrës, nën arsyetimin e parandalimit të dëmeve financiare në buxhet. Megjithatë, nga VMRO-DPMNE akuzuan se ndërrimi i të gjitha këshillave është bërë në mënyrë të paligjshme dhe se pushteti ka në plan të zbatojë partizim të ndërmarrjeve publike.