Kylian Mbappe ka shkaktuar një debat të zjarrtë në opinionin sportiv me deklaratën e tij të fundit, ku ka vlerësuar se pozicioni i qendërmbrojtësit është më i lehti për t’u luajtur në futbollin profesionist.
Ylli francez argumentoi se mbrojtësit e qendrës janë më të privilegjuar për shkak të pozicionimit të tyre më të sigurt në fushë, duke shtuar se ata mund të vazhdojnë të luajnë për klube elitare edhe në moshën 40-vjeçare, falë kërkesave fizike më të menaxhueshme krahasuar me vijën e parë të sulmit.
Në të kundërt, Mbappé theksoi se për një sulmues, sfida është shumë më e madhe dhe karriera në nivelet më të larta përfundon shumë më shpejt kur lojtari i afrohet moshës 40-vjeçare.
Sipas tij, ndërsa qendërmbrojtësit mund të përshtaten lehtësisht edhe në skema me tre mbrojtës, sulmuesit përballen me një rënie të pashmangshme fizike që e bën të pamundur ruajtjen e performancës së tyre në elitën e futbollit evropian pas një moshe të caktuar.
