Maqedonia e Veriut ka internetin më të shpejtë në rajon, ndërsa vendi ynë është ndër më të mirët në këtë segment edhe në të gjithë Evropën, sipas hulumtimit të bërë nga Cable.co.uk.
Me shpejtësi të lidhjes së internetit prej 97,9 Mbps, Maqedonia është përpara Sllovenisë me 97,0 Mbps, Serbisë me 60,5 Mbps, Kosovës me 57,3 Mbps, Greqisë me 53,9 Mbps, Malit të Zi me 49,5 Mbps, Bosnje dhe Hercegovinës me 44 ,0 Mbps dhe Bullgarisë me 40,4 Mbps.
Interneti më i shpejtë në Evropë është në ishullin Jersey (264 Mbps) që ndodhet midis Britanisë së Madhe dhe Francës, në Lihtenshtajn 246.8 Mbps dhe në Islandë 229.4 Mbps.
Në Francë shpejtësia e internetit është 152.5 Mbps, në Holandë 142.5 Mbps, në Spanjë 133.3 Mbps dhe në Gjermani 81.7 Mbps.
Interneti më i ngadalshëm në Evropë është në Turqi, 24.8 Mbps, Shqipëri 25.4 Mbps dhe Kroacia 25.7 Mbps.
