Maksim Dimitrievski ka pasur takim me biznesmenët shqiptarë, prandaj ministri ka pritur orë!

Kabineti i kryetarit të komunës së Kumanovës, Maksim Dimitrievski, ka hedhur poshtë akuzat e Partisë për Emancipimin e Plotë të Romëve se gjoja kryetari i komunës sot ka injoruar ministrin pa resor, Aksel Amedovski, duke e lënë të presë dy orë para zyrës së tij.
“Kryetari në ato momente ishte në takim me disa biznesmenë shqiptarë lidhur me disa projekte. Kryetari shpreh keqardhje për minisrin dhe thekson se politika duhet të ketë mirëkuptim për nevojat reale. Prioriteti i kryetarit kanë qenë dhe janë qytetarët, tjerët mund të presin”, kanë sqaruar për Gazetën Lajm nga kabineti i Dimitrievskit. Ata kanë hedhur poshtë pretendimet se shkak për injorimin ka qenë përkatësia etnike rome e Amedovskit. Këto janë insinuata të pabaza. LSDM e Kumanovës gjithmonë ka qenë pranë qytetarëve romë, prandaj edhe shumica e votuesve romë rregullisht votojnë LSDM-në”, thonë bashkëpunëtorët e Dimitriovskit.