Nënkryetarja e Parlamentit Evropian Ulrike Lunaçek, ka kritikuar ashpër sjelljen e shefit te diplomacisë Austriake Sebastijan Kurz dhe të partisë së tij në krizën e thellë politikë në Maqedoni.
Lunacek ka thënë se është e gjatë lista e mëkateve të BE-së ndaj Maqedonisë, por në vecanti e ka theksuar, sic thotë ajo, “rolin jo të popullarizuar të ministrit austriak të Punëve të Jashtme Sebastijan Kurc”, i cili i dha mbështetje të hapur Gruevskit gjatë zgjedhjeve të fundit parlamentare.
Ajo kujton se gjatë zhvillimeve të përgjakshmenë Parlament, Gruevski ka qenë në Austri në një “takim miqëor” me sekretarin e pëërgjithshëm të partisë konsetvarive EVP Verner Amon.
“Me këtë, Kurc dhe EVP e kanë diskredituar Austrinë dhe Bashkimin Evropian (BE), e me këtë kanë diskredituar veten dhe anëtarët tjerë të Partisë Popullore Evropiane si dhe mediatorë tjerë të mundshëm për stabilizimin e Maqedonisë dhe Ballkanit Perëndimor”, ka theksuar Ulrike Lunaçek.
Europarlamentarja austriake kërkon nga shefi i diplomacisë i BE-së Federika Mogerini dhe nga eurokomisari për zgjerim i BE-ë Johanes Han, “në mënyrë aktive ta mbështesin frmimin e qeverisë së re”, kurse Gruevskit dhe partisë së tij, qartë t’i bëjnë me dije se “duhet të pajtohet me rolin e partisë në opozitë”. https://www.albeu.com/maqedoni/lunacek-me-mbeshtetjen-e-gruevskit-kurc-po-diskrediton-austrine-dhe-be-ne/303297/
