Padia penale kundër kryetarit të komunës Veles, Sllavço Çadiev është edhe një dëshmi për qeverisjen kriminale dhe korruptive të VMRO-DPMNE-së në nivel lokal.
Me padinë penale kundër Çadievit, padinë penale kundër Mile Janakievskit, gjykimet kundër kryekomunarëve nga VMRO-DPMNE, Marjan Risteski dhe Aleksandar Panov, si dhe paditë penale dhe akuzat për Hristijan Delev dhe Vlladimir Televskit, çdo ditë po rritet numri i kryekomunarëve nga VMRO-DPMNE të cilët e kanë ndjekur shembullin e shefit të tyre Nikolla Gruevski dhe kanë punuar me kriminalitet kundër interesit të qytetarëve.
Përveç kryekomunarëve dhe ish ministrave nga VMRO-DPMNE, e gjithë partia ka punuar kundër interesit të qytetarëve dhe shtetit. Dëshmi për këtë është fakti që VMRO-DPMNE është partia e vetme që nuk ka paguar tatim për zgjedhjet e kaluara parlamentare me çka kjo parti nuk i ka
përmbushur detyrimet ndaj shtetit.
Nëse VMRO-DPMNE me të vërtetë mendonte për qytetarët, kryekomunarët e saj nuk do ti varfëronin qytetarët. Nëse VMRO-DPMNE me të vërtetë mendonte për shtetin, dhe jo për apetitet kriminale të
Gruevskit, atëherë partia do paguante tatim sikur çdo person tjetër fizik dhe juridik ndaj shtetit.
Borxhi ndaj shtetit dhe paditë penale kundër funksionerëve të VMRO-DPMNE-së më së miri tregojnë sa kujdeset VMRO-DPMNE për qytetarët dhe shtetin. Për atë VMRO-DPMNE sot është opozitë dhe për atë do ti humb zgjedhjet lokale me rezultat të thellë në të cilat qytetarët do ta dënojnë qeverisjen kriminale të VMRO-DPMNE-së në nivel lokal.
