LSDM nuk pranon të ketë takim liderësh për çështjet kontestuese me Bullgarinë. Reagimi i Socialdemokratëve erdhi një ditë pasi kreu i opozitës maqedonase të VMRO DPMNE-së Hristijan Mickoski iu bëri thirrje për t’u ulur në tryezë liderët e partive për të unifikuar qëndrimet kundrejt mosmarrëveshjeve me fqinjin lindor. Zëdhënësja e LSDM-së Bogdanka Kuzeska tregoi qëndrimin e partisë se çështjet e hapura me Bullgarinë duhet të shqyrtohen vetëm në nivel të komisioneve ndërshtetërore, të cilat edhe janë duke funksionuar aktualisht.
“Sa i përket marrëveshjes me Bullgarinë, Hristijan Mickoski nuk do marrëveshje këtë e ka dëshmuar dhe pikërisht për këtë çështje ai nuk ka qëndrim konkret përveçse ka demonstruar sjelljen e tij destruktive në periudhën që lamë pas. Me fqinjin tonë Bullgarinë kemi marrëveshje për bashkëpunim dhe fqinjësi të mirë, e cila është nënshkruar edhe në gjuhën maqedonase. Prandaj presim që në frymën e kësaj ujdie të vazhdojmë bashkërisht të ndërtojmë raportet me Bullgarinë, ndërsa për temat që dalin nga kjo marrëveshje, shprehim vullnetin që t’i zgjidhim përmes komisioneve përgjegjëse, të cilat gjatë kësaj periudhe janë krijuar për të gjitha çështjet e hapura me Bullgarinë” tha Bogdanka Kuzeska, Zëdhënëse e LSDM-së.
Data 17.11.2026
Aktuale
- Ura e Krimesë mbyllet sërish, autoritetet e instaluara nga Moska thonë se u godit për të dytën ditë
- Pavarësia në horizont: Thaçi rikthen kujtimet e fitores së 2007-ës
- 35 vjet nga Kushtetuta e Maqedonisë: U miratua pa votat e deputetëve shqiptarë, të cilët kërkonin barazi kushtetuese
- 30 ditë paraburgim për 31-vjeçarin që dyshohet se rrahu dhe mbylli me forcë partneren në Ohër
- Tragjedia e dy të rinjve nga Rahoveci: Smajl Latifi shpreh ngushëllimet e tij
- Shkup: Ndërprerje të energjisë elektrike dhe ujit në disa zona
- Mbi 100 vjet për t’u barazuar, pensionet në Shqipëri sa 19% e nivelit të BE-së sipas fuqisë blerëse
- Vance: SHBA nuk do të përfshihet në një luftë shumëvjeçare me Iranin, nuk do të zgjasë as dy vjet



