Kryesia e partisë ”Të bashkuar për Maqedoni” (TBM) të udhëhequr nga ish-ministri i punëve të brendshme, Ljube Boshkoski, ka mbajtur mbledhjen e saj të rregullt në qytetin e Velesit.
Kjo parti kërkon dalje nga kriza politike përmes pranimit të shumicës së qytetarëve që të formohet një qeveri reformuese nga mandatari që ka siguruar 67 nënshkrime deputetësh.
TBM-ja, siç thuhet në njoftimin e tyre, me ideologji të qartë VMRO-je i thërret të gjithë simpatizantët e kësaj partie me mirëkuptim dhe seriozitet ndaj situatës, të mbështetin proceset demokratike.