Kryetari i Partisë Demokratike Shqiptare, Menduh Thaçi përmes një telegrame urimi në emrin e tij personal dhe në emër të Partisë Demokratike Shqiptare të gjithë shqiptarëve kudo që janë ua uron Ditën e Flamurit. “28 Nëntori ka qenë dhe mbetet simbol i krenarisë, qëndresës dhe vendosmërisë së popullit shqiptar, andaj duke përkujtuar me respekt të gjithë ata që me sakrificën dhe flijimin e tyre bartën te ne idenë për të qenë të lirë, uroj që të gjithë së bashku të vazhdojmë në këtë rrugëtim drejt realizimit të aspiratave tona të përbashkëta”, thuhet në telegramin e kryetarit të PDSH-së, Menduh Thaçi.
