Kryetari i Gjykatës Themelore Shkupi 1 Ribarev, merr pushim mjekësor, pa arsye

Nga Gjykata Penale konfirmojnë për Sdk.mk se u.d. kryetari i Gjykatës Themelore Shkupi 1 Stojançe Ribarev është në pushim mjekësor dhe nuk kanë informata se kur do të kthehet në punë. Deri sa mungon atë do të zëvendësojë gjykatësja Dijana Gruevska- Ilievska, shkruan Sdk.mk. Ku bën të ditur se Ribarev ka qenë në marrje në pyetje në Prokurorinë Speciale Publike (PSP) në lidhje me procedurën parahetimore për paraqitjen e dëshmive jashtë nga Gjykata, në dobi të të dyshuarve dhe personave të akuzuar nga kjo Prokurori. Nuk dihet se në PSP a ka qenë i ftuar si dëshmitar ose si i dyshuar i mundshëm. Me pesë tetor kur Katica Janeva doli të kryej bastisje në kompjuterin personal me AKMIS në zyrën e kryetarit, vetë Ribarev u deklaroi kolegëve se gjykatësit e kanë lejuar prokuroren speciale të merr si dëshmi çfarë i nevojitet. Atë ia ka thënë edhe Këshilli gjyqësor. Gjatë kohës së bastisjes Ribarev ka qenë në punë. Atë ditë Janeva me detyrë të nënshkruar nga gjykatësi i procedurës paraprake të Gjykatës Themelore Shkupi 1 ka kryer bastisje edhe në zyrën e të dyshuarit ish-kryetar i Gjykatës Themelore Shkupi 1 Vlladimir Pançevski. Ajo gjithashtu kreu bastisje edhe në shtëpinë e Pançevskit.