Dimri po afrohet. Për të qenë të sigurt që automjeti juaj nuk do t’ju lë në borë dhe që të mund të vozitni me siguri në rrugë të ngrira, të lagura dhe me borë, është koha të bëni përgatitjen dimërore përkatëse dhe të kontrolloni automjetin. Kontrolli i rregullt dimëror i automjetit përfshin kontrollin e antifrizit, kontrollin e vajit të motorit, kontrollin e lëngut të fshirësve të xhamit të përparmë, kontrollin e akumulatorit, shtypjen e gomës, sigurimin e lëngut ose sprejit për shkrirjen e xhamit, bravave, etj.
Të gjitha këto kontrolle dhe përgatitje janë të rëndësishme, por gjëja më e rëndësishme është mbajtja e pajisjeve përkatëse të dimrit. Mbajtja e pajisjeve dimërore është e detyrueshme dhe i referohet periudhës nga 15 nëntor deri më 15 mars të vitit të ardhshëm. Në pajtim me këtë, KRSKRR-ja me përkujtim:
• Me pajisje dimërore për mjetet motorike me masë maksimale të lejueshme që nuk tejkalon 3.500 kg nënkuptohen: gomat dimërore në të gjitha rrotat me thellësi minimale të relieveve të shtresës prej katër milimetra (4 mm) ose gomat e profilit veror në të gjitha rrotat me thellësi të relieveve të shtresës që shkel prej të paktën katër milimetra (4 mm) dhe zinxhirët e borës me madhësi adekuate për rrotat lëvizëse ose mjetet tjera të përshtatshme ndihmëse.
• Pajisjet dimërore për mjetet me fuqi motorike me katër rrota (4 x 4) nënkuptohen gomat dimërore në të gjitha rrotat me thellësi minimale të relieveve të shtresës që shkel prej gjashtë milimetra (6 mm) ose gomat e profilit veror në të gjitha rrotat me thellësi të relieveve të shtresës që shkel, prej të paktën katër milimetra (4 mm). Zinxhirë të borës duhet të posedojë çdo automjet me goma të profilit veror, dhe në rastin kur automjeti është në funksionim të përhershëm, duhet të ketë zinxhirë bore të paktën për boshtin e pasmë, dhe në rastin e fuqisë motorike me çelës, zinxhirët e borës duhet të jenë të paktën në boshtin e përhershëm të kyçur.
• Pajisjet dimërore për mjetet motorike me masë maksimale të lejueshme që tejkalon 3.500 kg nënkuptohen: gomat dimërore në rrotat lëvizëse me thellësi minimale të relieveve të shtresës që shkel, sipas vëllimit dhe gjerësisë prej gjashtë milimetra (6 mm) ose gomat me profilin veror në të gjitha rrotat me thellësi të relieveve të shtresës që shkel, sipas vëllimit dhe gjerësisë, me minimum prej katër milimetra (4 mm) dhe zinxhirët e borës me madhësi adekuate për rrotat lëvizëse ose mjetet e tjera të përshtatshme ndihmëse.
• Autobusët dhe mjetet motorike të udhëtimit që për arsye teknike nuk mund të vendosin zinxhirë bore në rrotat lëvizëse, duhet të kenë goma dimri në rrotat lëvizëse dhe vegël dore – lopatë.
Gomat e dimrit janë ato goma që kanë në anën e tyre shenjë: “MS”, “M + S”, “M&S” dhe shenjë të borës në malin e stilizuar me tri maje.
Me qëllim të interpretimit më të qartë të Rregullores për përdorimin e pajisjeve shtesë në automjete, KRSKRR-ja thekson se në rast të përdorimit të gomave dimërore nuk ekziston obligim për të poseduar zinxhirë bore. Është gjithashtu veçanërisht e rëndësishme që obligimi për të mbajtur pajisje dimërore u referohet të gjitha automjeteve që marrin pjesë në komunikacionin rrugor, qoftë brenda ose jashtë vendbanimit.
Kombinimi, përkatësisht përdorimi i njëkohshëm i gomave dimërore dhe verore është jashtëzakonisht i rrezikshëm, sepse e prish procesin e drejtimit të automjetit dhe veçanërisht e prish trajektoren e lëvizjes dhe ndalimit të automjetit.
KRSKRR-ja me thirrje: Përdorni pajisjet e duhura të dimrit dhe mbërrini të sigurt në destinacionin e dëshiruar në kushtet dimërore në rrugë!
