Sonte shënohet dita e fundit e Bazarit të Fundvitit në Çair, i cili do të përmbyllet me një mbrëmje festive dhe koncert artistik në Sheshin Skënderbeu. Organizatorët kanë përgatitur një program të pasur muzikor, duke e kthyer këtë mbrëmje në një festë të vërtetë për qytetarët.
Nga ora 18:00 deri në 20:00, atmosfera festive do të krijohet me muzikë nga DJ Miran, ndërsa pas orës 20:00 do të nisë koncerti artistik, ku në skenë do të performojnë emra të njohur të skenës muzikore shqiptare dhe vendore.
Para publikut do të ngjiten Miranda Hashani, Valon Suma, Lindita Purelku, Konkordia Band, Lorena Beadini dhe Duo Skupi, të cilët pritet të sjellin një repertor të larmishëm dhe festiv për të gjitha moshat.
Mbrëmja festive mbahet sot, më 30 dhjetor 2025, në Sheshin Skënderbeu në Çair. Organizatorët ftojnë të gjithë qytetarët që t’i bashkohen kësaj ngjarjeje dhe ta përmbyllin së bashku Bazarin e Fundvitit, nën tinguj muzike, drita festive dhe një atmosferë të ngrohtë fundviti.
