Në kuadër të asamblesë së përgjithshme të 24-të të Dhomës Amerikane, e cila u zhvillua javën e kaluar, u ndanë çmime për praktikat më të mira të përgjegjësisë sociale (CSR) për kompanitë anëtare. Kompania Zegin u vlerësua si kompani me një nga praktikat më të mira shoqërore, përmes projektit “Partneriteti i Donacioneve”, i cili mbështetet nga USAID dhe zbatohet nga Oda Ekonomike Amerikane.
Njohja i referohet garës humanitare “Zegin Spectrathon – një garë heronjsh në të gjitha ngjyrat” si pjesë e fushatës për ndërgjegjësimin e personave me autizëm, e cila është në fokus të Zeginit për këtë vit. Nëpërmjet garës humanitare, por edhe me donacion shtesë nga Fondacioni Dr.Verica Mehanxhiska. Me këtë fushatë, kompania Zegin së bashku me Fondacionin Dr. Verica Mehanxhiska hap mundësinë për të sensibilizuar, edukuar dhe kujtuar shoqërinë se autizmi nuk është një kufizim, por një mënyrë tjetër e të qenit. Fushata është një thirrje për dhembshuri, për përfshirje dhe për të njohur shkëlqimin në atë që mund të duket si kaos.
