Interpelanca është e pabazuar ligjërisht, e motivuar politikisht dhe paraqet një precedent të rrezikshëm të ndërhyrjes në pavarësinë e autoritetit prokurorial, vlerëson Prokurori Publik Ljupço Kocevski në përgjigjen e tij zyrtare të dorëzuar në Kuvend.
Ai iu përgjigj me shkrim interpelancës së paraqitur nga gjashtë anëtarë të parlamentit nga “E Majta”, duke i akuzuar ata për abuzim politik dhe keqkuptim të funksionit që kryejnë.
Interpelanca, e paraqitur nga anëtarët e parlamentit Dimitar Apasiev, Borislav Krmov, Rexhep Ismail, Jovana Mojsoska, Amar Mecinovic dhe Sasko Janchev, përmban katër pika kryesore akuzash: hetim selektiv për tragjedinë në Koçan, marrëveshje politike me kryeministrin Hristijan Mickoski, kaos në Prokurorinë e Lartë të Shkupit dhe mosveprim ndaj mafies urbane në Shkup.
Lidhur me tragjedinë në diskoteken “Puls” në Koçan, në të cilën vdiqën 62 të rinj, Kocevski thekson se Prokuroria Publike nuk punon në mënyrë selektive dhe se hetimet përfshijnë pronarët, sigurimin, personat përgjegjës në disa institucione, madje edhe zyrtarë të lartë të policisë.
“Nuk ka aktakuzë ‘grupore’ çdo i dyshuar është përgjegjës për veprimet e veta”, thotë Kocevski, duke shtuar se ndihet krenar për ekipin e prokurorisë që ka mbledhur një sasi të madhe provash në një kohë të shkurtër.
Ai pohon se prindërit e viktimave janë informuar në detaje dhe se besimi në prokurori po forcohet.
