Problemi i korrupsionit eskalon, është i nevojshme organizimi i aktiviteteve efikase nga të
gjithë bartësit e funksioneve, thonë nga Organizata “Transparency International”-
Maqedonië.
Sipas drejtueses së kësaj organizate Sllagjana Taseva prokurorët nuk kanë një pasqyrë të
qartë se çfarë është lëndë për aktakuzë, por as që është vërtetuar gjendja faktike për
gjykim dhe motivet. Ajo apelon që të hapet edhe rasti me transaksionet bankare.
Sipas “Transparency International”, në vitin 2017 janë parashtruar gjithsej 131 ankesa nga
të cilët 114 nga parashtrues të ndryshëm, 42 për qind kanë përfunduar vetëm me këshilla
juridike, ndërsa në 12 për qind të rasteve parashtruesit janë tërhequr para se të merret
çfarëdo lloj vendimi, në 20 për qind Qendra për Këshilla Juridike (ALLAK) ka vlerësuar se
ato vetëm duhet të kontaktojnë më institucionet gjegjëse pa parashtruesit apo kërkesat me
karakter publik.
Rezultati nga indeksi i perceptimit të korrupsionit në vitin 2016 shënon një rënie të madhe
për 24 vende, ndërsa Maqedonia tani është në vendin e 90-të nga gjithsej 176 shtete të
ranguara në listë, thuhet në raport.
Bëhet e ditur se janë dhjetëra politikanë të Qeverisë së kaluar dhe qeverive pas tranzicionit
që posedojnë llogari bankare në banka zvicerane dhe të vendeve të tjera.
