Kërkimi për një 16-vjeçare të zhdukur në lumin Vardar është ndërprerë përkohësisht për shkak të kushteve të këqija të kërkimit gjatë natës.
“Qendra operative e QMK-së është njoftuar se ekipet që po kryenin kërkimin do të tërhiqen për shkak të mungesës së kushteve minimale të përshtatshme për kërkim në kushte nate. Nesër herët në mëngjes, ekipet do të vazhdojnë kërkimin në koordinim të ndërsjellë”, informoi Qendra e Menaxhimit të Krizave.
Incidenti u raportua këtë pasdite në SPB Veles – dy persona, njëri 16 vjeç dhe tjetri 26 vjeç, u humbën në ujërat e Vardarit pranë fshatit Ulanc, komuna Gradsko.
Me mbërritjen në vendngjarje, vajza 26-vjeçare u gjet gjallë, ndërsa fëmija 16-vjeçar është ende duke u kërkuar, njoftoi gjithashtu SPB Veles.
