Shtëpia botuese Literatus nga Selaniku, këtyre ditëve botoi Antologji e tregimit ballkanik, në të cilën u përfshinë 68 autorë nga Shqipëria, Kosova Maqedonia e Veriut, Greqia, Kroacia, Bosnja e Hercegovina, Turqia, Sllovenia, Rumania, Mali i Zi dhe Serbia. Autor i këtij projekti mjaft voluminoz (428 faqe) është Satvors G. Dajos, i cili është edhe autor i parathënies, ndërkaq për përkthimin e tregimeve u angazhuan 34 përkthyes.
Në këtë antologji me tregime nga hapësira shqiptare e Maqedonisë prezantohen Kim Mehmeti, Shazim Mehmeti dhe Shkëlzen Halimi. Në këtë Antologji janë përfshirë edhe shkrimtarët më të shquar nga hapësira ballkanike, si Ismail Kadare, Orhan Pamuk, Mirosllav Kërlezha, Andonis Samarakis etj.
