“Jam rritur në atë klub dhe të gjithë e dinë se si jam kujdesur për sigurinë e klubit, tha mes lotësh Dejan Jovanovski – Deko, i pandehuri i parë për zjarrin në diskotekën PULS në Koçan, duke shprehur ngushëllime për të gjithë ata që nderuan jetë në natën tragjike.
Jovanovski tha se e kupton dhimbjen e prindërve, sepse edhe një anëtar i familjes së tij vdiq në atë tragjedi. Për këtë, prindërit e pranishëm në sallën e gjyqit reaguan me indinjatë, dhe disa prej tyre u larguan nga salla e gjyqit pas fjalës së Jovanovskit, dukshëm të tronditur.
Jovanovski shtoi se nuk e kupton pse po akuzohet djali i tij, duke thënë se ai ishte një mysafir i zakonshëm në klub në atë natë fatale, domethënë se nuk ishte pjesë e strukturës së pronësisë. Më parë, si i pandehuri i parë, por edhe të gjithë 35 individët e tjerë dhe përfaqësuesit e personave juridikë, janë deklaruar të pafajshëm.
Fjalët hyrëse të të pandehurve të mbetur dhe avokatëve të tyre mbrojtës janë duke u mbajtur, pasi mbrojtja e Jovanovskit tha se kjo aktakuzë nuk do të çojë në drejtësi për Koçanin dhe tha se Jovanovski nuk është fajtor për krimet për të cilat akuzohet.
Zjarri në diskotekën Puls në Koçani shpërtheu më 16 mars gjatë një shfaqjeje nga grupi DNK, me çrrastë 63 persona vdiqën dhe mbi 200 të tjerë mbetën të lënduar.
