Kur ishte BDI e fortë, e fortë ishte edhe Gordana Jankullovska. I kishte duart zgjidhur dhe shpeshherë ndaj shqiptarëve paraqitej njëkohësisht edhe si kryepolice, edhe si prokurore edhe si gjykatëse. Mirëpo tani që është dobësuar BDI-ja (edhe pse ende në pushtet), është dobësuar edhe pozicioni i Jankullovskës. Ajo tani endet gjykatave dhe paraqitet në rolin e viktimës, kur përballet me prokuroren Fatime Fetai, duke lënë të hapur një varrë të madhe në ndërgjegjen e shqiptarëve: Pse nuk e dobësuam BDI-në para rastit Monstra dhe para Lagjes së Trimave?
“E drejta për privatësi është një përfitim nga civilizimi”, tha në seancën e Gjykatës së Apelit ish-ministrja e Brendshme, Gordana Jankulloska, në diskutimin nëse tetë “bomba” do të përdoren si prova në procedurën për blerjen “Mercedesit” të ish-kryeministrit Nikola Gruevski.
Ajo citoi aktvendime të Gjykatës Evropiane për të Drejtat e Njeriut, përderisa ju shpjegonte gjykatësve pse është shkelur privatësia me bombat.
“Vetëm njëri nga numrat e mi është përgjuar 732 ditë. A nuk është kjo shkelje e të drejtave të njeriut?”, tha Jankulloska. Ajo theksoi se me “bombat” në mënyrë brutale janë shkelur të drejtat e njeriut.
Gjykata e Apelit sot pasdite diskuton nëse “bombat” do të përdoren si dëshmi në rastin “Tanku”, i cili ka të bëjë me blerjen e veturës luksoze “Mercedes” nga qeveria e kaluar.
I akuzuar në këtë lëndë është edhe ish-kryeministri Nikolla Gruevski.
