Ja sa miliarda euro qytetarët e Maqedonisë i kanë nëpër banka

Qytetarët e Maqedonisë edhe pse jetojnë në një vend të varfër, ata megjithatë kanë kursime marramendëse apo para të thata që i ruajnë në banka.
Sipas të dhënave të Fondit për Sigurimin e depozitave, deri në fund të shtatorit janë evidentur 4 miliardë euro, para të qytetarëve që ruhen nëpër banka, informon MIA.
Të dhënat flasin se për një vit ka pasur rritje të depozitave për 8,6 për qind. Kjo është rritja më e madhe në tre vitet e fundit.
Fondi për sigurimin e depozitave si institucion i specializuar financiar për sigurimin e depozitave ndikon fuqishëm në ndërtimin e besimit të qytetarëve ndaj sistemit bankar në vend. Tregues i kësaj është shifra e fundit që nënkupton rritje gjatë 2018.