Ivanov anuloi vizitën në Australi

Presidenti i Republikës së Maqedonisë, Gjorge Ivanov, ka marrë vendim për anulimin e vizitës së paraparë në Australi, bëhet e ditur nga kabineti presidencial. “Gjendja politike në vend dhe tensionet mes BE-së dhe Turqisë për ndërprerje të marrëveshjes për migrantët janë arsyet për shkak të të cilave presidenti Ivanov nuk do ta realizojë vizitën në Australi”, informojnë nga kabineti I Ivanovit. Vizita parashihte takime të presidentit të Maqedonisë me kreun shtetëror të Australisë. Ivanov po ashtu duhej të realizonte takime me guvernatorin e përgjithshëm, kryeministrin, kryeparlamentarin, kryetarin e Senatit Australian, me përfaqësuesit e grupit maqedonas-australian të miqësisë në Parlamentin e Australisë si dhe me përfaqësuesit e bashkësisë maqedonase në Australi. /SHENJA/