Personat mbi 65 vjeç janë më të ndjeshëm ndaj efekteve shëndetësore të temperaturave të larta dhe valëve të të nxehtit. Sipas rekomandimeve kombëtare dhe ndërkombëtare, personat mbi 65 vjeç konsiderohen si një nga kategoritë e rrezikuara të popullsisë. Me moshën, organizmi e përshtatet më vështirë me temperaturat e larta. Për më tepër, personat e moshuar kanë më shpesh sëmundje kronike dhe përdorin terapi të rregullt, ndërsa disa ilaçe mund të ndikojnë në reaksionet normale të organizmit ndaj të nxehtit, thuhet në njoftimin e sotëm të Institutit të Shëndetit Publik, ku janë listuar edhe masa dhe rekomandime për këtë grup qytetarësh.
Instituti u bëri thirrje që të respektohen masat dhe rekomandimet për mbrojtje nga temperaturat e larta të destinuara për popullatën e përgjithshme, dhe veçanërisht të merret parasysh disa prej rekomandimeve:
– Shmangni ekspozimin ndaj diellit, përfshirë punën dhe aktivitetin fizik në natyrë, në periudhën nga ora 11 deri në 17. Vishni rroba të lehta, të çelëta dhe të gjera, syze dielli dhe kapele ose kapelë me buzë të gjera. Kur ekspozoheni ndaj diellit, përdorni krem mbrojtës me faktor mbrojtës (SPF) 30 ose më të lartë. Merrni mjaftueshëm lëngje dhe mos prisni të ndiheni të etur për të pirë ujë. Shmangni pijet alkoolike dhe kufizoni pijet që përmbajnë kafeinë. Nëse mjeku ju ka kufizuar marrjen e lëngjeve për shkak të një gjendjeje shëndetësore, konsultohuni me të për sasinë e lëngjeve që duhet të merrni gjatë motit të nxehtë. Mbani temperaturë të këndshme në shtëpi dhe shmangni ngrohjen e saj shtesë. Gjatë ditës përdorni grila, perde ose mënyra të tjera për mbrojtje nga drita e drejtpërdrejtë e diellit, dhe ajrosni ambientet kur temperatura e jashtme është më e ulët. Nëse përdorni pajisje klimatizimi, shmangni ftohjen e tepërt të dhomës dhe ndryshimet e papritura të temperaturës. **Shmangni përdorimin e sobës, furrës dhe pajisjeve të tjera që e ngrohin shtëpinë më shumë në periudhën nga ora 13 deri në 17 – janë disa nga këshillat.
Gjithashtu rekomandohet të ftohet trupi:
– Ftojeni trupin. Bëni dush me ujë të ngrohtë ose më të freskët, përdorni peshqirë të lagur dhe qëndroni në pjesën më të ftohtë të shtëpisë ose në një ambient të klimatizuar, nëse është i disponueshëm. Nëse keni sëmundje kronike, respektoni me kujdes të veçantë rekomandimet dhe merrni rregullisht terapinë e përshkruar. Mos e ndryshoni dhe mos e ndërpritni terapinë pa konsultim me mjekun. Në rast ndryshimi ose përkeqësimi të gjendjes shëndetësore, konsultohuni detyrimisht me mjekun tuaj familjar. Mbani kontakt të rregullt me anëtarët e familjes, miqtë dhe fqinjët. Nëse jetoni vetëm, është veçanërisht e rëndësishme që gjatë periudhave me temperatura të larta të mbani komunikim të rregullt me personat e afërt, me qëllim që të njihen në kohë ndryshimet e mundshme në gjendjen shëndetësore dhe të sigurohet ndihmë nëse është e nevojshme – theksojnë nga Instituti.
