Në La Liga, Celta dhe Las Palmas zhvilluan mbrëmë ndeshjen e tyre dhe gjithçka u shoqërua me një dramë të madhe pas një dueli mes sulmuesit të Celtas, Borja Iglesias dhe portierit të Las Palmasit, Jasper Cillessen.
Të dy u përplasën në minutën e 27-të dhe me atë rast Iglesias goditi Cillessen me gju në stomak, të cilit iu dha ndihma.
Më pas ai u largua nga fusha me barelë dhe u transportua menjëherë në spital, ku u diagnostikua me një dëmtim në zorrë.
Gazetari Josep Pedrerol nga programi “El Chiringuito” raportoi se Cillessen iu nënshtrua një operacioni urgjent mbrëmë në Vigo për shkak të një zorrë të shpuar”.
Gjithashtu, siç raporton gazetari Isaac Futo, i cili ndoqi ndeshjen për Movistar LaLiga në Radio COPE në programin El Partidaso, portieri i Las Palmasit pas transportit në spital filloi të vjellë.
Ndeshja mes Celta dhe Las Palmas përfundoi në barazim 1:1, ku shënuan Alfonso Gonzalez dhe Alberto Moleiro.
Cillessen është 35 vjeç dhe është anëtar i Las Palmas që nga vera e kaluar. Ai më parë ka luajtur për klubet holandeze NEC Nijmegen dhe Aax, si dhe për Barcelonën dhe Valencia.
Ai ishte anëtar i Barcelonës nga vera e vitit 2016 deri në vitin 2019. /Telegrafi/
