IRI: Qytetarët, pakënaqësi nga pushteti lokal

Qytetarët shprehen të pakënaqur nga pushteti i deritanishëm lokal. Në anketën e realizuar nga Qendra për Hulumtim të Sondazheve (IRI) përmes Brima, 51 për qind e të anketuarve janë deri diku ose shumë të pakënaqur me punën  e deritanishme të kryetarëve të komunave, kurse 47 për qind me atë të këshillave komunal.  46 për qind raportuan se ishin gjithashtu të pakënaqur edhe nga administrata e tyre lokale. Një numër i madh i qytetarëve, gjegjësisht 37 për qind e të anketuarve mendojnë se komuna e tyre është duke lëvizur në drejtimin e gabuar, 35 për qind janë neutral dhe vetëm 23 për qind konsiderojnë se komuna e tyre është duke lëvizur në drejtimin e duhur. Të dhënat e sondazhit janë mbledhur nga data 4 deri 12 mars i këtij viti dhe janë anketuar gjithsej 1,108 qytetar.