MEPSO njofton se ka përfunduar me sukses procedura përzgjedhëse për ndërtimin e interkonektorit 400 kV Manastir-Elbasan, duke zgjedhur konsorciumin ndërkombëtar të udhëhequr nga DALEKOVOD d.d. nga Kroacia si ofertuesin më të favorshëm me vlerë 19,6 milionë euro. Në njoftimin e saj, MEPSO thekson se “me këtë hap, kompania zyrtarisht rifillon projektin që do të krijojë lidhjen kyçe energjetike midis Republikës së Maqedonisë së Veriut dhe Republikës së Shqipërisë.” Punimet do të realizohen brenda 900 ditëve, duke përfunduar Korridorin Energjitik Rajonal 8 dhe përmirësuar ndjeshëm tensionin në pjesën jugperëndimore të vendit. MEPSO garanton zbatim transparent dhe efikas të projektit, duke përdorur 51.2% të pajisjeve të dorëzuara nga kontraktori i mëparshëm për të shmangur dëmet financiare.
