Integrimi më i shpejtë i Maqedonisë së Veriut në BE mund të ndodhë kur vendi t’i përmbushë të gjitha detyrimet e saja, përfshirë ndryshimin e Kushtetutës dhe respekton të drejtat e njeriut, tha mbrëmë ministri i jashtëm bullgar, Ivan Kondov, pas takimit të ministrave të punëve të jashtme të BE-së, ku mori pjesë edhe ministri i jashtëm i RMV-së, Bujar Osmani. Në takim, disa nga ministrat evropianë për punët e jashtme këmbëngulën për përshpejtimin e procesit të anëtarësimit të vendeve të Ballkanit Perëndimor në BE.
“Biseduam shumë shkurt. Biseduam për çështjet që na interesojnë. Ai u përpoq të shpjegonte se fjalimi i kryeministrit de fakto kishte të bënte me politikanë të veçantë dhe jo në parim me politikën e Bullgarisë, por unë e pyeta pse përmendet Bullgaria në këtë situatë dhe jo politikani konkret.”, tha Kondov.
