Të enjten, më 20 qershor, në orën 11:30, Gjykata e Posaçme kundër Korrupsionit dhe Krimit të Organizuar do të shqyrtojë kërkesën e Ilir Metës për ndryshim të masës së sigurisë.
Presidenti i Partisë së Lirisë ndodhet në qeli prej 21 tetorit 2024 dhe kërkon zëvendësimin e masës “arrest në burg” me një më të butë, si “arrest shtëpie” apo “detyrim për paraqitje”.
Seanca do të drejtohet nga gjyqtari i hetimit paraprak, Erjon Çaça.
Mbrojtja e Metës argumenton se janë shkelur afatet procedurale, duke pretenduar se SPAK nuk ka paraqitur raportet dy mujore të detyrueshme për vijimin e masës së sigurisë, çka sipas tyre përbën bazë për lirimin e tij nga paraburgimi.
