Gjatë ditëve të orientimit, studentët e rinj patën mundësinë të takojnë ekipet tona ekspertësh për të përfunduar regjistrimin, dorëzuar dokumentet dhe bërë pyetje për t’u regjistruar zyrtarisht në universitet.
Profesorët si dhe koordinatorët i informuan detajisht studentët mbi programet, planifikimin e karrierës dhe përshtatjen me jetën universitare dhe qytetin.
Gjithashtu, studentët morën pjesë në një tur të kampusit të IBU-së, ku eksploruan hapësirat e studimit, ambientet sociale dhe lehtësirat e tjera.
Për më tepër, Qendra Mediatike e IBU-së në bashkëpunim me Zyrën e IT-së përgatitën kartat e studentëve, të cilat u mundësojnë studentëve akses në të gjitha shërbimet e kampusit.
Ditët e Orientimit do të vazhdojnë deri më 30 Shtator (nga ora 10:00 deri në 15:00).
