Oda Ekonomike e Maqedonisë Veri-Perëndimore së bashku me Odën e Afarizmit të Kosovës adresuan çështjen e gjobave për transportuesit nga Republika e Maqedonisë së Veriut që shqiptohej në pikat doganore të Republikës së Kosovës, si pasojë e së cilës u pengua aktiviteti ekonomik por që edhe si dukuri nuk përkonte me partneritetin ekonomik të cilin dy vendet në fjalë e kanë ndërtuar ndër vite.
Shqiptimi i gjobave për transportuesit nga Republika e Maqedonisë së Veriut vinte si pasojë e mungesës së një marrëveshjeje mes dy qeverive por reagimi i përbashkët i OEMVP dhe OAK bëri që ky shqiptim i gjobave të pezullohet përkohësisht deri në arritjen e një marrëveshjeje mes dy vendeve për sa i përket transportit të mallrave dhe shërbimeve.
OEMVP apelon deri tek institucionet relevante të RMV-së të ndërmarrin hapa sa më të shpejtë në drejtim të gjetjes së një marrëveshjeje afatgjate në lidhje me këtë problematikë, me qëllim që të mos dëmtohen bizneset e të dyja palëve, sidomos në këtë kohë krize kur kemi nevojë për nxitjen e ekonomisë dhe ruajtjen e stabilitetit social ekonomik.
OEMVP çdoherë në rend të parë ka vendosur interesin e përgjithshëm ekonomik si dhe interesin e ekonomisë së jashtme si element i rëndësishëm për rritje dhe zhvillim ekonomik të RMV-së.
Data 15.07.2025
Aktuale
- Snopçe: Ligji i VLENIT për kazinotë nuk ndryshon nga ai i Artan Grubit
- Luboteni më në fund me ujë të pijshëm – Kryetari Kostovski e mbajti fjalën!
- Kryetari i BFI-së: Njohja e diplomave të medresesë një fitore e madhe, falënderime për të gjithë përkrahësit
- Ushtroi dhunë ndaj ish-bashkëshortes, 55-vjeçari përfundon në prangat e uniformave blu
- “Kishte konflikt për një sasi droge, disa persona…”, zbardhet dëshmia e babait të Renis Dobrës në polici: Djali më telefonoi para ngjarjes
- Ali Ahmeti takon deputetin Salih Murat
- Ndoqën Renis Dobrën, zbulohet itinerari i autorëve që fillimisht u pikasen në Unazën e qytetit të Burrelit! Zbardhet skema që zbatuan mos të identifikoheshin
- Mira Murati themelon kompaninë e re për inteligjencë artificiale me vlerë 12 miliardë dollarë