Ministri i Punëve të Brendshme ka paralajmëruar ndryshime radikale në Ligjin për sigurinë në komunikacion, të cilat nga viti 2026 do të sjellin rregulla të reja për të gjithë pjesëmarrësit në trafik. Përveç shoferëve, ndalimi i përdorimit të telefonave mobilë dhe pajisjeve elektronike do të vlejë edhe për këmbësorët dhe çiklistët.
Sipas propozimit, do të shqiptohen gjoba për çdo person që përdor telefon gjatë vozitjes së bicikletës, mopedëve, motoçikletave, skuterëve, traktorëve dhe mjeteve të tjera, por edhe për këmbësorët që flasin ose përdorin telefon gjatë ecjes, kalimit të rrugës apo lëvizjes në shtegun e biçikletave.
Toçkovski theksoi se kjo masë është pjesë e projektit “Qyteti i sigurt”, që ka për qëllim uljen e shkeljeve të trafikut dhe rritjen e sigurisë në rrugë, veçanërisht në zonat urbane ku pakujdesia është një nga shkaqet kryesore të aksidenteve.
Me këto ndryshime, Maqedonia bëhet një nga vendet e rralla në Evropë që planifikon të vendosë rregulla kaq të rrepta edhe për këmbësorët.(INA)
