Një person është gjetur pa shenja jete të enjten në Skenderaj, ndërsa Policia ka njoftuar se rasti po trajtohet si “vdekje e dyshimtë”.
Sipas raportit të Policisë së Kosovës, në vendngjarje kanë dalë njësitë relevante policore dhe ekipi i emergjencës, ku mjeku kujdestar ka konstatuar vdekjen e viktimës.
“Është raportuar për një viktimë mashkull kosovar pa shenja jete. Në vendin e ngjarjes kanë dalë njësit relevante policore si dhe emergjenca ku mjeku kujdestar ka konstatuar vdekjen e viktimës. Me vendim të prokurorit, trupi i pajetë është dërguar në IML për obduksion”, thuhet në raportin e policisë.
Hetimet lidhur me rastin janë duke vazhduar.
