Në muajin që njihet si muaji i vullnetarëve humanitarë, duke shprehur vullnetin e plotë për të qenë shpresë dhe dorë e shpëtimit të nevojtarëve, kryetari i Komunës së Çairit Visar Ganiu priti në takim anëtarësinë e Organizatës Humanitare “El Hilal”. “Ai shprehu mirënjohjen dhe përkrahjen e tij për veprimtarinë humanitare të këtij subjekti që ka gëzuar shumë familje skamnorësh duke apeluar që të gjithë bashkë të jemi në ndihmë të atyre që kanë nevojë pasi jeta e njeriut fiton kuptim kur bëhesh arsye e lumturisë dhe buzëqeshjes së dikujt tjetër”, njoftoi komuna e Çairit.
