Për shumë dashamirë të vozitjes së biçikletave dihet se është shumë e vështirë lëvizja në komunën e Çairit. Mungesa e shtigjeve është evidente, ndërsa edhe ato pak të cilët janë, pothuajse të gjitha janë të dëmtuara dhe mund të shihen makina të parkuara në ato vende.
Qytetarët e Çairit në vazhdimësi kanë apeluar për ndërtimin e shtigjeve të reja për biçikleta, ndërsa kryetari i Çairit, Visar Ganiu, edhe pse në kontratën e tij kishte parashikuar shtigje për biçikleta, megjithatë atë premtim nuk e ka realizuar.
Por si duket vet Ganiu ka gjetur zgjidhje se si mund të vozitës me biçikletë në Çair. Zgjidhja sipas tij, është ndërprerja e tërë komunikacionit, ngase ndryshe nuk është e mundur.
