Pranë shkollës “ 11 Tetori” në Shkup filluan punimet për rikontruimin e objektit që për dy vjet me rradhë do të jetë në dispozicion të fëmijëve me paralizë cerebrale, pra, deri sa të përfundojë ndërtimi i shkollës së re në lagjen Kapishtec. Momentalisht fëmijët marrin përkujdesje në qendrën në Kapishtec, por për shkak të ndërtimit të objektit të ri, lindi nevoja që e njejta të dislokohet. Rikonstruimi i këtij objekti është punë e përbashkët e Ministrisë për Punë dhe Politikë Sociale, Komunës Qendër si dhe donacionit të bërë nga OKTA. Ky objekt, siç tha ministrja Mila Carovska, do të jenë në dispozicion të 35 fëmijëve.
“ Objekti i ri, do t’u shërbejë 35 shfrytëzuesve të cilët do të kenë kujdes të psikologut, defektologut, logopedit dhe fizioterapi. Pohojmë se ky objekt do të rikontruohet në përputhje më të gjitha standartet e nevojshme, gjithsesi në bashkëpunim më prindërit e fëmijëve, sepse ata janë shumë të rëndësishëm në këtë process, që të dakordohen se i përmbushim të gjitha kushtet në këtë objekt. Gjithashtu përmes Komunës Qendër ndërtohet shkollë e re e cila do të ketë hapësirë më vete për fëmijët më aftësi të kufizuara, kështu do të përfitohen dy institucione në territorin e Komunës Qendër, të cilat do të kujdesen për këtë grup të qytetarëve”- tha
Mila Carovska, Ministre në Ministrinë për Punë dhe Politikë Sociale.
Kryetari i Komunës Qendër, Andrej Zhernovski, tha se ky objekt pranë shkollës “ 11 Tetori” edhe pasi të kalojnë dy vjet , periudhw gjatw sw cilws do tw shfrytwzohet nga fwmijwt me paralizw cerebrale, do të vazhdojë të funksionojë.
“ Pas dy vjetësh kur objekti në Kapishtec të jetë gati dhe fëmijët të mund të përdorin të njejtin, objekti pranë shkollës “ 11 Tetori” do të vazhdsojë të jetë funksional. Kjo zonë nuk ka çerdhe dhe për këtë arsye, ky objekt do të shëndrrohet në çerdhe pas dy vjetësh, ku prindërit të mund t’isjellin fëmijët e tyre”- tha Andrej Zhernovski, kryetar i Komunës Qendër.
Marina Bilbilovska, kryetare e shoqatës së prindërve që kanë fëmijë me paralizë cerebrale, tha se e vlerësojnë iniciativën që po ndërmarrin institucionet, pasi edhe prindërit e fëmijëve më paralizë cerebrale duan që fëmijet e tyre të bëjnë jetë normale dhe të jenë pjesë aktive e shoqësirë. Megjithatë, ndërvite kanë pasur edhe pakenaqësi dhe shumë pak mbështetje, gjë që ende është prezente.
“ Të gjithë personat të rritur apo fëmijë me aftësi të kufizuara janë të margjinalizuar. E gjithë familja, jo vetëm personat me aftësi të kufizuara. Edhe ne e kemi të vështirë, sepse vitet e bëjnë punë e tyre, rrethanat na kanë bërë që vetë ne si familja të mbyllemi në vete. Deri në moshën 26 vjeçare një fëmijë që ka probleme me degjimin mund të marrë dy aparate pa pagesë, pas kësaj moshe s’mund të marrë, ç’ është kjo, nuk ju kthye dëgjimi atij. Si bëhet kjo punë kështu.
Dy ministritë ajo e Shëndetësisë dhe ajo për Punë dhe Politikë Sociale duhet të bashkëpunojnë më shumë, sepse që të dyja kanë të bëjnë me fëmijet me paralizë cerebrale, që të dyja duhet të kujdesen”–tha Marina Bilbilovska, kryetare e shoqatës së prindërve që kanë fëmijë me paralizë cerebrale.
Ministrja Carovska gjeti kohë t’u përgjigjet personalisht të gjitha pyetjeve të prindërve, duke ju siguruar të njejtëve se po punohet dhe do të punohet deri në largimin e të gjitha pengesave që ata që e meritojnë të përfitojnë ndihmën e nevojshme.
Evi Shkopi
Almakos.com
