Foshnja e lindur nga vëllai dhe motra vdes disa orë pas lindjes

Foshnja e lindur nga vëllai dhe motra vdes disa orë pas lindjes

13:44 | 3 Korrik 2022

Një foshnjë e lindur nga një çift me incest vdiq vetëm disa orë pas lindjes së tij në spital për shkak të komprometimit të rëndë gjenetik.

Djali thuhet se kishte defekte të shumta në lindje, sepse prindërit e tij ishin vëlla dhe motër, shkruan Irish Mirror, transmeton arbresh.info

Pamjet e marra në spitalin në Dustlik në Uzbekistan, tregojnë fëmijën e vogël duke qarë në një inkubator ndërsa një infermiere fshinte lëkurën e thatë dhe me luspa në fund të tij.

Ministria e Shëndetësisë e Uzbekistanit tha se foshnja lindi më 4 qershor me “iktiozë të rëndë kongjenitale”, si dhe me defekte të tjera të lindjes që i përshkroi si “kërcënuese për jetën”.

Ichthyosis congenita është një çrregullim i trashëguar i lëkurës i karakterizuar nga një lëkurë e përgjithësuar, anormalisht e kuqe, e thatë dhe e ashpër me luspa të mëdha të bardha dhe të imta.

Nëna e tij, e lindur në vitin 1994, ishte 35 javë dhe katër ditë shtatzënë kur lindi djalin i cili ishte 47 centimetra (18.5 inç) i gjatë, sipas Ministrisë së Shëndetësisë të Uzbekistanit më 28 qershor.

Djali ishte fëmija i saj i dytë, i pari ka lindur nga bashkëshorti imëparshëm dhe shtatzënia ka qenë normale, shton Ministria.

Pavarësisht përpjekjeve më të mira të mjekëve për ta ringjallur, i porsalinduri vdiq vetëm dy orë e 10 minuta pasi erdhi në botë. /arbresh.info/