Fazliu, ky është vlerësimi i BESËS, për procesin zgjedhor

Faton Fazliu nga Lëvizja BESA, në një konferencë për shtyp tha se vlerësimi i tyre i përgjithshëm është se atmosfera ka qenë mjaft e tensionuar, janë regjistruar plotë parregullsi, të cilat janë regjistruar pranë organeve shtetërore vendore dhe ndërkombëtare ndërsa janë përgatitur edhe ankesat që do të paraqiten në KSHZ.
“Në fakt se do të ketë parregullsi u pa qysh gjatë javës së fundit kur BDI filloi t’i kërcënoj kandidatët tanë për kryetar komunash dhe tu hy në privatësi atyre. Për vlerësimin e saktë të procesit i presim të dhënat nga shtabet tona komunale. Kur do të mund të japim edhe vlerësimin tonë edhe më konkret.
Nëse BDI në këto rrethana e llogarit vetën favorite atëherë lëvizja BESA është fituese absolute”, tha Faton Fazliu nga BESA.
Ai shtoi se rreth orës 21:00 do të japin edhe rezultatet e para.