Faton Islami është i ftuari i radhës në “ Let’s chat over coffee”. 20 vjeçari nga Tetova ka tërhequr vëmendjen në rrejtet sociale duke realizuar herë pas herë video humoristike, në të cilat me shumë satirë dhe ironi, i përplas në fytyrë shoqërisë realitetin e sotëm, që ndonjëherë të bën të qash dhe ndonjëherë të qeshësh. Megjithatë edhe pse mund të jetë e habitshme, pavarësisht talentit që ka, Fatoni është student në fakultetin për Graphic Design dhe jo në atë të aktrimit.
Pasi në faqen zyrtare të tij në Facebook “ Phatooni”, të shihni videot që Fatoni ka realizuar me bashkëpunëtorin e tij, Ron Mirta, do të bindeni se sot kur 90% e humorit është banalizuar dhe në vend se të shkaktojë të qeshura të bën të ndryshosh kanal, ka shpresa se ende mund të krijohet humor cilësor.
