“Pasi që rrashë në dashuri me një sykaltër, lidha kurrorë në moshën 17 vjeçare, dhe vazhdoj të jem bashkë me burrin tim si në aspektin formal po edhe faktik. Ndonëse që e re lidha kurrorë, sërish isha e bindur që kam potencialin e nevojshëm të jem njeriu i vetvetes, si në aspektin professional edhe jetësor. Poashtu, isha e vetëdijshme se me çfarë vështirësi do të ballafaqohem duke pasur parasysh rrethin ku jetonim. Prindërit e mi rrjedhin nga një familje punëtorësh, që domethënë se nuk kisha mbështetje financiare përveç asaj psiqike. Mirëpo si tash edhe atëherë isha e bindur se ndonjëherë do të lë gjurmë në shoqërinë ku jetojmë. Ndoshta janë dukur ambicie të larta, por njeriu që të paktën nuk ka ambicie nuk mund të realizohet në planin profesional”, deklaroi kështu prokurorja shqiptare, Fatime Fetai në një konferencë duke folur mbi pozitën e gruas në shoqëri.
