Kryeministri Zoran Zaev dhe Ministri i Shëndetësisë Venko Filipçe dje bënë një vizitë pune në ISHP Spitalin e Përgjithshëm – Strumicë, ku së bashku me drejtorin e spitalit Dr. Nake Gogov, inspektuan pjesën e re të spitalit e cila është e pajisur dhe së shpejti do të mund të fillojnë punimet. Gjatë vizitës, Zaev realizoi një donacion nga familja e tij – një autoambulancë.
– Kjo është një kohë kur të gjithë duhet të ndihmojnë aq sa munden. Familja Zaev dhe unë, si qytetar i Strumicës, tashmë kemi dhuruar pajisje për nevojat e këtij spitali dhe sot po dhurojmë një autoambulancë. Shpresoj që sa më pak njerëz të kenë nevojë për të, por vetëm kur duhet të sjellë shëndet dhe lumturi. Krahu i ri i spitalit tani do të vihet në veprim për të luftuar Covid-19, tha kryeministri.
Sidoqoftë, dje nuk është dhuruar vetëm autoambulanca në Spitalin në Strumicë. Që nga fillimi i krizës së koronavirusit, deri më tani, familja e Zoran Zaev ka dhuruar mbi 18 milion denarë ose mbi 300.000 euro të mjeteve që përfunduan duke ndihmuar familjet e rrezikuara ose institucionet shëndetësore. Familja Zaev përmes shtabit komunal të krizave dhuroi 7.000 pako ushqimore për familjet me gjendje të dobët ekonomike në disa komuna, përfshirë Strumicën, Kumanovën, Dibrën dhe Prilepin.
Pastaj, përmes ndërmarrjeve në pronësi të familjes Zaev, u dhuruan pajisje mjekësore me vlerë 100.000 euro. 5.000 pajisje spitali, 3.000 veshje mbrojtëse, 2.000 vizir dhe 25.000 maska mbrojtëse u dhuruan Ministrisë së Shëndetësisë, e cila i rishpërndau ato në institucionet shëndetësore.
Me donacionin e fundit, vlera e përgjithshme e fondeve të dhuruara është mbi 18.4 milion denarë, ose një ndihmë totale prej mbi 300.000 euro, e cila është një akt kryesor i përgjegjësisë sociale të një familje dhe kompanive të tyre.
